Maamulka Kismaayo oo ka hadlay booqshadda Wafdiga Dowlada Federalka

Gudoomiyaha maamulka magaalada Kismaayo Shiikh Axmed Max’ed Islaam { Axmed Madoobe} oo warbaahinta la hadllay ayaa sheegay in uusan jirin wax khilaaf ah oo gaar ahaan u dhaxeeya isaga iyo maamulka uu hogaamiyo iyo dowladda dhexe.

Waxaa uu sheegay in hadda uu soo dhamaday wixii mad-madow ahaa oo ku dhax jiray labada dhinac, islamarkaana xiriirka maamulka iyo dowladda dhexe uu yahay mid hagaagsan.

‘’Warbaahinta inta badan waxaa ay buun-buuniyaan warar aan micno badan laheyn, marka waxaa leenahay waa in ay ka shaqeeyaan nabad-galyada ayuu yiri,’’ Axmed Madoobe.

Waxaa uu sheegay mas’uuliyiinta maamulka uu hogaaminayo Axmed Madoobe in amaanka magaalada yahay mid hagaagsan, islamarkaana ay xalay ku hoydeen wafdigii ka socday dowladda oo u kuur-galayay nabad-galyada.

Wafdiga dowladda ee ku sugan Kismaayo waxaa hogaaminaya oo horkacaya wasiirrka arrimaha gudaha iyo amniga Qaranka, waxaana ka mid ah wasiirrka gaashaandhiga C/xakiin Xaaji Max’uud Fiqi, wasiirrka garsoorka iyo arrimaha diinta C/llaahi Abyan Nuur, wasiirrka warfaafinta C/llaahi Ciilmooge Xirsi iyo xubo kale.

Dowladda dhexe iyo mas’uuliyiinta maamulka magaalada Kismaayo ee uu hogaaminayo Axmed Madoobe ayaa siweyn isugu khilaafsan arinta ku saabsan maamul u sameynta Jubbooyinka, waana sababta keentay in wafdiga dowladda ay halkaa tagaan.

Puntlandpress

Kismaayo